Ane Satyre Of The Thrie Estaitis by Sir David Lindsay

Author:Sir David Lindsay [Sir David Lindsay]
Language: eng
Format: epub
ISBN: 9781847675064
Publisher: Canongate Books
Published: 1989-10-15T00:00:00+00:00

Quhen sic an vyle cumpanie dwels them amang,

Quhilk hes reulit this rout monie deir dayis,

Quhilk gars John the Commoun-weil want his clais?

Sir, call them befoir yow and put them in ordour,

2465 Or els John the Common-weil man beg on the bordour.

Thou feinyeit Flattrie, the Feind fart in thy face:

Quhen ye was guyder of the Court we gat litill grace!

Ryse up, Falset and Dissait, without ony sunye:

I pray God nor the Devils dame dryte on thy grunye.

2470 Behauld as the loun lukis evin lyke a thief:

Monie wicht warkman thou brocht to mischief!

My soveraine Lord Correctioun, I mak yow supplicatioun,

Put thir tryit truikers from Christis congregatioun!

CORRECTIOUN

As ye have devysit, but doubt it salbe done.

2475 Cum heir, my Sergeants, and do your debt sone:

Put thir thrie pellours into pressoun strang—

Howbeit ye sould hang them, ye do them na wrang!

FIRST SERGEANT

Soverane [Lord], wee sall obey your commands.

Brother, upon thir limmers lay on thy hands.

2480 Ryse up sone, loun, thou luiks evin lyke ane lurden;

Your mouth war meit to drink an wesche jurden!

SECOND SERGEANT

Cum heir, gossop, cum heir, cum heir!

Your rackles lyfe ye sall repent.

Quhen was ye wont to be sa sweir?

2485 Stand still, and be obedient!

FIRST SERGEANT

Thair is nocht in all this toun—

Bot I wald nocht this taill war tald—

Bot I wald hang him for his goun,

Quhidder that it war laird or [lawid].

2490 I trow this pylour be [spurgawd]!

Put in thy hand into this cord:

sunye delay dryte on thy grunye crap on your snout truikers rogues pellours thieves lurden idler jurden chamber-pot sweir idle lawid common person spurgawd driven mad by spurs (see note)

Download

Copyright Disclaimer:
This site does not store any files on its server. We only index and link to content provided by other sites. Please contact the content providers to delete copyright contents if any and email us, we'll remove relevant links or contents immediately.